సొంత ఖర్చులతో రోడ్డు పనులు ప్రారంభించిన మాజీ ఎమ్మెల్యే కోనేరు కోనప్ప...
మొగడ్ ధగడ్ నుంచి వైగాం వరకు రోడ్డు నిర్మాణం ప్రారంభం..
ఇ నివాస్ న్యూస్ - తెలంగాణ / చీఫ్ బ్యూరో, కొండపర్తి ప్రసన్నకుమార్ : కొమరం భీమ్ ఆసిఫాబాద్ జిల్లా కౌటాల మండలంలోని మొగడ్ ధగడ్ గ్రామం నుంచి వైగాం గ్రామం వరకు మోరం మట్టి రోడ్డు నిర్మాణ పనులను గురువారం మాజీ ఎమ్మెల్యే కోనేరు కోనప్ప ప్రారంభించారు. గతంలో ఎమ్మెల్యేగా ఉన్న సమయంలో ఈ రహదారికి అనుమతి లభించినప్పటికీ, తరువాత జరిగిన ఎన్నికల్లో ప్రభుత్వం మారడంతో ఆ పనులు రద్దు అయ్యాయి. ఈ సమస్యను స్థానిక ప్రజలు కోనేరు కోనప్ప దృష్టికి తీసుకెళ్లగా,వారు వెంటనే స్పందించారు. ప్రభుత్వ సహాయం లేకపోయినా, ప్రజల ఇబ్బందులను దృష్టిలో ఉంచుకుని స్వంత నిధులతోనే రోడ్డు పనులు చేపట్టాలని నిర్ణయించారు. దాంతో మొగడ్ ధగడ్ నుంచి వైగాం వరకు మోరం రోడ్డు పనులను ప్రారంభించారు. రహదారి నిర్మాణం చేపట్టడంతో మండల ప్రజలు సంతోషం వ్యక్తం చేస్తున్నారు. రోడ్డు లేకపోవడంతో ఇంతకాలం ఎదుర్కొన్న ఇబ్బందులు త్వరలోనే తగ్గుతాయని ఆశాభావం వ్యక్తం చేస్తున్నారు. మాజీ ఎమ్మెల్యే వ్యక్తిగతంగా ముందుకు వచ్చి పనులు చేయడం అభినందనీయమని స్థానికులు కొనియాడారు.
Admin
E Nivas News
మరిన్ని వార్తలు
Developed By :
