ప్రభుత్వ గెజిట్లో ‘నేతకాని’ కుల పేరు సవరణ చేయాలి... మంత్రి వివేక్ను కోరిన నేతకాని సేవా సంఘం నాయకులు..
ఇ నివాస్ న్యూస్ - తెలంగాణ / చీఫ్ బ్యూరో, కొండపర్తి ప్రసన్నకుమార్ : నేతకాని (మహర్) సేవా సంఘం ప్రతినిధులు రాష్ట్ర కార్మిక, ఉపాధి, గనుల శాఖ మంత్రి డా. జి. వివేక్ వెంకటస్వామిని సోమవారం కలిసి ప్రభుత్వ గెజిట్ మరియు అధికారిక రికార్డుల్లో “నేతకాని” కుల పేరును సరిచేయాలని విజ్ఞప్తి చేశారు.ప్రస్తుతం కొన్ని అధికారిక పత్రాలు, నమోదు ప్రక్రియల్లో “నేతకాని”కు బదులుగా “మలసాలె,నెట్కాని”గా నమోదు అవుతోందని, ఇది తప్పుగా నమోదవుతోందని సంఘం ప్రతినిధులు పేర్కొన్నారు. దీనివల్ల సమాజానికి చెందిన ప్రజలు పలుఇబ్బందులు ఎదుర్కొంటున్నారని తెలిపారు. రాష్ట్ర అధ్యక్షుడు దుర్గం స్వామి, దుర్గం సిద్ధార్థ రామ్మూర్తి సమర్పించిన వినతిపత్రంలో నేతకాని కులానికి చెందిన ప్రజలు ఖమ్మం, మంచిర్యాల, వరంగల్, కరీంనగర్, ఆదిలాబాద్, నిజామాబాద్ జిల్లాలతో పాటు రాష్ట్రంలోని సుమారు 35 అసెంబ్లీ నియోజకవర్గాల్లో విస్తరించి ఉన్నారని వివరించారు. అధికారిక రికార్డులు, గెజిట్ ప్రకటనలు, కుల ధృవీకరణ పత్రాల్లో “నేతకాని” పేరునే ఏకరీతిగా నమోదు అయ్యేలా షెడ్యూల్డ్ కులాల సంక్షేమ శాఖ అధికారులకు తగిన ఆదేశాలు ఇవ్వాలని వారు మంత్రిని కోరారు. ఈ సందర్భంగా మంత్రి స్పందిస్తూ సంబంధిత అధికారులతో ఈ విషయాన్ని చర్చించి అవసరమైన సవరణలు చేయించేలా చర్యలు తీసుకుంటామని హామీ ఇచ్చారు.
Admin
E Nivas News
మరిన్ని వార్తలు
Developed By :
