గెలుపోటములను సమానంగా స్వీకరించాలి...
జీసీసీ చైర్మన్ కోట్నాక తిరుపతి..
ఇ నివాస్ న్యూస్ - తెలంగాణ / చీఫ్ బ్యూరో, కొండపర్తి ప్రసన్నకుమార్ : క్రీడాకారులు గెలుపోటములను సమానంగా స్వీకరించాలని జీసీసీ చైర్మన్ కోట్నాక తిరుపతి అన్నారు. శుక్రవారం మంచిర్యాల జిల్లా దండేపల్లి మండలంలోని తాళ్లపేట గ్రామంలో సంక్రాంతి పండుగను పురస్కరించుకొని కంది సతీష్ అన్న యువ సైన్యం ఆధ్వర్యంలో జిల్లా స్థాయి వాలీబాల్ పోటీలను ఆయన ప్రారంభించారు. అనంతరం గెలుపొందిన తాళ్లపేట జట్టుకు రూ. 10 వేల నగదుతో పాటు ట్రోఫీ, రన్నర్ గా నిలిచిన లక్షెట్టిపేట జట్టుకు రూ.5 వేల నగదు ట్రోఫీ అందజేశారు. ఈ సందర్భంగా ఆయన మాట్లాడుతూ క్రీడలతో మానసిక ఉల్లాసం కలుగుతుందని అన్నారు. విద్యార్థులు చదువుతో పాటు క్రీడల్లో కూడా రాణించాలన్నారు. గెలుపుతోమురిసిపోకుండా, ఓటమితో కృంగిపోకుండా జీవితంలో రాణించడం నేర్చుకోవాలన్నారు. జిల్లా నుండి 35 జట్లు పోటీలో పాల్గొన్నాయి. ఈ కార్యక్రమంలో ఆర్జీపీఆర్ఎస్ జిల్లా అధ్యక్షులు గడ్డం త్రిమూర్తి, మాజీ ఎంపీపీలు జాబు కాంతారావు, గురువయ్య, అక్కల వెంకటేశ్వర్లు, సర్పంచులు పెంట సత్తయ్య, చిలుకూరి మహేష్, శంకరవ్వ, మాజీ ఎంపిటిసిలు కంది సతీష్ హేమలత, ముత్యాల శ్రీనివాస్, బొడ్డు కమలాకర్, వనపర్తి రవి, ఉపసర్పంచ్ ఫయాజ్, తిరుపతి నాయక్, స్థానిక నాయకులు అడాయి కాంతారావు, కన్నాక జంగు, సందేల తిరుపతి, శ్రీధర్, సలావుద్దీన్ తదితరులు పాల్గొన్నారు.
Admin
E Nivas News
మరిన్ని వార్తలు
Developed By :
