గ్రామాభివృద్ధికి ముందడుగు..
ఇ నివాస్ న్యూస్ - తెలంగాణ / మహబూబాబాద్ / మరిపెడ, ఉప్పుల రమేష్ : మహబూబాబాద్ జిల్లా మరిపెడ మండలంలోని గాలివారిగూడెం గ్రామపంచాయతీ పరిధిలోని టీలా వత్ తండాలో పెరిగిన మొక్కలు, ముళ్ల పొదలను తొలగిస్తూ జంగిల్ కటింగ్ పనులను సర్పంచ్ నారెడ్డి కవిత ఆధ్వర్యంలో నిర్వహించడం జరిగింది. తండాలలో రహదారులు, నివాస ప్రాంతాల వద్ద కంప చెట్ల పెరుగుదలతొ ప్రజల రాకపోకలకు కలుగుతున్న తీవ్ర ఇబ్బందులను దృష్టిలో ఉంచుకొని ఈ చర్యలు తీసుకున్నట్లు తెలిపారు. గ్రామంలో పరిశుభ్రత పెంపొందించడం, రాకపోకల సౌలభ్యం కల్పించడం, ప్రజల భద్రతను మెరుగుపరచడమే లక్ష్యంగా ఈ జంగిల్ కటింగ్ చేపట్టినట్లు సర్పంచ్ నారెడ్డి కవిత పేర్కొన్నారు. రానున్న రోజుల్లో ఇలాంటి అభివృద్ధి పనులు మరెన్నో కొనసాగుతాయని కవిత హామీ ఇచ్చారు. గ్రామస్తులు సంతృప్తి వ్యక్తం చేస్తూ పాలకవర్గానికి కృతజ్ఞతలు తెలిపారు. ఈ కార్యక్రమంలో మాజీ సర్పంచ్ రామయ్య, టీలా వత్ గణేష్, గ్రామ సిబ్బంది మంగిలాల్ తదితరులు పాల్గొని పనులను పర్యవేక్షించారు.
Admin
E Nivas News
మరిన్ని వార్తలు
Developed By :
