అంబేద్కర్ ఓపెన్ యూనివర్సిటీ అడ్మిషన్ల పోస్టర్ విడుదల...
ఇ నివాస్ న్యూస్ - తెలంగాణ / చీఫ్ బ్యూరో, కొండపర్తి ప్రసన్నకుమార్ : ప్రభుత్వ డిగ్రీ కళాశాల ప్రిన్సిపాల్ డా. మహాత్మా సంతోష్ మరియు కళాశాల బోధనా సిబ్బంది కలిసి డా. బి.ఆర్. అంబేద్కర్ ఓపెన్ యూనివర్సిటీ అడ్మిషన్ల పోస్టర్ ను శుక్రవారం కళాశాలలో విడుదల చేశారు. డా. బి.ఆర్. అంబేద్కర్ ఓపెన్యూనివర్సిటీలో చేరడానికి ఆగస్టు 7 చివరితేదీ అని దూరవిద్యలో డిగ్రీ చదవాలనుకునే అభ్యర్థులు ఆగస్టు 7వ తేదీలోగా అన్ లైన్ ద్వారా దరఖాస్తు చేసుకోవాలని ప్రిన్సిపాల్ డా. సంతోష్ మహాత్మా మరియు ఓపెన్ యూనివర్సిటీ లెర్నర్ సపోర్ట్ సెంటర్ (స్టడీ సెంటర్) కోఆర్డినేటర్ డా. తన్నీరు సురేష్ లు ఒక సంయుక్త ప్రకటనలో తెలిపారు. పూర్తి వివరాలు ఇలా ఉన్నాయి. ప్రభుత్వ డిగ్రీ కళాశాల లక్షెట్టిపేట కేంద్రంగా నడుస్తున్న డా. బి.ఆర్. అంబేద్కర్ ఓపెన్ యూనివర్సిటీ లెర్నర్ సపోర్ట్ సెంటర్ (స్టడీ సెంటర్) నెంబర్ 232 లో బిఎ, బిఎస్సి, బీకాం అన్ని కోర్సులు అందుబాటులో ఉన్నాయి. ప్రభుత్వ, ప్రయివేటు ఉద్యోగులు, కార్మికులు, గృహిణులు చదువు మధ్యలో ఆపివేసి మళ్ళీకొనసాగించాలని ఆసక్తి కలిగిన అభ్యర్థులు ఇంటర్మీడియట్ పూర్తిచేసిన విద్యార్థులు ఎవరైనా డా. బి.ఆర్. అంబేద్కర్ ఓపెన్ యూనివర్సిటీ లెర్నర్ సపోర్ట్ సెంటర్ (స్టడీ సెంటర్) నెంబర్ 232 లో డిగ్రీలో అడ్మిషన్ పొందడం ద్వారా చదువు పూర్తి చేసి డా. అంబేద్కర్ ఓపెన్ యూనివర్సిటీ సర్టిఫికెట్ పొందవచ్చు. డా. అంబేద్కర్ ఓపెన్ యూనివర్సిటీ సర్టిఫికెట్ యూజీసి గుర్తింపు పొందినది మరియు కేంద్ర మూల్యంకన సంస్థ న్యాక్ చే ఏ గుర్తింపు పొందిన యూనివర్సిటీ. ఇందులో చదువు పూర్తి చేసిన వారు రెగ్యులర్ డిగ్రీ చదివిన వారితో సమానంగా అన్ని రకాల అవకాశాలకు అర్హులు అవుతారు. అంతేకాకుండా అంబెడ్కర్ ఓపెన్ యూనివర్సిటీ వారు డిగ్రీ పూర్తయిన తర్వాత అందించే ఉద్యోగ ప్లేస్ మెంట్ కోసం అర్హత పొందుతారు అన్నారు. పని చేసుకుంటూనే చదువుకునే అవకాశాన్ని ఓపెన్ యూనివర్సిటీ కల్పిస్తుంది ఈ అవకాశాన్ని అందరూ సద్వినియోగం చేసుకోవాలి. డా. బి ఆర్ ఓపెన్ యూనివర్సిటీలో అడ్మిషన్ పొందడానికి యూనివర్సిటీ పోర్టల్ ద్వారా ఆన్ లైన్ లో ఆగస్టు 7వ తేదీలోగా దరఖాస్తు చేసుకోవాలి. మరిన్ని వివరాలకు 8790569436 మరియు 9032689657మొబైల్ నెంబర్ లో సంప్రదించవచ్చు లేదా ప్రభుత్వ డిగ్రీ కళాశాల లోని డా. అంబేద్కరే ఓపెన్ యూనివర్సిటీ స్టడీ సెంటర్ ను అన్ని పనిదినాలలో ఉదయం 10 గంటల నుండి సాయంత్రం 4 గంటల వరకు స్వయంగా సంధర్షించి అనుమానాలు నివృత్తి చేసుకోవచ్చు. ప్రవేశాల పోస్టర్ ఆవిష్కరణ కార్యక్రమంలో ప్రిన్సిపాల్ డా. మహాత్మా సంతోష్, కోఆర్డినేటర్ డా. తన్నీరు సురేష్ అధ్యాపకులు డా. సంతోష్ కుమార్, డా. తిరుపతి , జాడి శంకరయ్య,లైబ్రేరియన్ నాగేశ్వర్,సంధ్యారాణి, రాజ్ కుమార్, మల్లయ్య , శ్రీనివాస్, కవిత ఓపెన్ యూనివర్సిటీ బోధనేతర సిబ్బంది సత్యనారాయణ పాల్గొన్నారు.
Admin
E Nivas News
మరిన్ని వార్తలు
Developed By :
