దొంగతనం కేసులో శంకర్ లాల్ కు సహకరించిన మహిళ అరెస్టు...
ఇ నివాస్ న్యూస్ - తెలంగాణ / చీఫ్ బ్యూరో, కొండపర్తి ప్రసన్నకుమార్ : ఉమ్మడి కరీంనగర్ జిల్లా వ్యాప్తంగా సంచలనం సృష్టిం చిన దొంగతనం కేసు ను ప్రతిష్టాత్మకంగా తీసుకున్న కరీంనగర్ రూరల్ పోలీసులు ఇప్పటికే ప్రధాన నిందితుడైన పెద్దపల్లి జిల్లా మంథని మండలం ఎగ్లాస్పూర్ గ్రామానికి చెందిన జడ్పీటీసీ భర్త తగరం శంకర్ లాల్ ను అరెస్ట్ చేసి రిమాండ్ కు తరలించిన విష యం పాఠకులకు తెలిసిందే. ఈ క్రమంలో, గురువారం మధ్యా హ్నం మరో ట్విస్టు చోటుచేసుకుంది. సుమారు 3.30 గంటల సమయంలో, కరీంనగర్ రూరల్ సీఐ ఏ. నిరంజన్ రెడ్డి కి అందిన విశ్వసనీ య సమాచారం మేరకు, ఆయన తన సిబ్బందితో కలిసి తీగలగుట్టపల్లి రైల్వే రైల్వే స్టేషన్ కు వెళ్లి అను మానాస్పదంగా సంచరిస్తున్న ఓ మహిళను అదుపు లోకి తీసుకుని విచారించారు. విచారణలో ఆమె తన పేరు ఆడెపు రేష్మా, కేశవపట్నం మండలం చింతగుట్ట పల్లి గ్రామానికి చెందినదని, అలాగే ఈ కేసులో మొదటి నిందితుడైన తగరం శంకర్కు సన్నిహితు రాలినని తెలిపింది. నిన్న తగరం శంకర్ ను కరీంనగర్ రూరల్ పోలీసులు అరెస్ట్ చెయ్యగా శంకర్ లాల్ ను రిమాండ్కు తరలిం చిన విషయం పత్రిక ల్లో , టీవీ వార్తల ద్వారా తెలుసుకొని, తనను కూడా పోలీసులు అరెస్ట్ చేస్తారనే భయంతో బంధువుల ఇంటికి వెళ్లేందుకు చంద్రా పూర్కు వెళ్లే రైలు కోసం తీగల గుట్టపల్లి రైల్వే స్టేషన్ లో వేచి ఉండగా పోలీసులు పట్టుకున్నారని తెలిపింది. తదుపరి విచారణ లో దొంగతనం జరిగిన రోజున తాను కూడా తగరం శంకర్ కలిసి తీగలగుట్టపల్లి లోని ఫారెస్ట్ అధికారి శ్రీనివాస్ ఇంటిలోకి ప్రవేశించి, ఇంటి తాళాలు పగులగొట్టి, అనంతరం బాత్రూమ్ తాళం కూడా పగుల గొట్టి, అక్కడ ప్లాస్టిక్ నీళ్ల ఖాళీ డ్రమ్ములో దాచిపెట్టిన సుమారు రూ.26 లక్షల నగదు ను అపహరించినట్లు అంగీకరించింది. దొంగిలించిన డబ్బు లో తనకు కూడా కొంత వాటా ఇస్తానని తగరం శంకర్ చెప్పి నప్పటికీ, అనంతరం అతడు తన స్వగ్రా మానికి వెళ్లిపోయా డని, డబ్బు పంపిస్తా నని చెప్పి పంపలేద ని, తాను ఎదురు చూస్తుండగా అతడి ని పోలీసులు అరెస్ట్ చేశారని తెలిపింది. తగరం శంకర్తో తాను నిరంతరం మాట్లాడేందుకు ఉపయోగించిన మొబైల్ ఫోన్ను కూడా పంచుల సమక్షంలో స్వచ్ఛం దంగా చూపించి అప్పగించింది. తన ప్రమేయాన్ని పూర్తిగా అంగీకరించడంతో, పంచనామా నిర్వ హించి, నిందితురా లిని అదుపులోకి తీసుకున్నారు. అనంతరం పోలీస్ స్టేషన్కు తరలించి, రిమాండ్ నిమిత్తం గురువారం న్యాయ స్థానం ఎదుట హాజరుపరిచినట్లు పోలీసులు తెలిపా రు. ఈ కేసులో మిగిలిన అంశాలపై దర్యాప్తు కొనసాగు తున్నదని కరీంనగర్ రూరల్ ఇన్స్పెక్టర్ ఆఫ్ పోలీస్ ఏ. నిరంజన్ రెడ్డి తెలిపారు.
Admin
E Nivas News
మరిన్ని వార్తలు
Developed By :
